«Бавария» бош мураббийи Томас Тухель Чемпионлар лигаси плей-офф босқичида «ПСЖ» билан бўлиши мумкин бўлган эҳтимолий учрашув ҳақидаги саволга жавоб берди.

Эслатиб ўтамиз, германиялик мураббий парижликларни 2018 йилдан 2020 йилгача бошқарган.

«Мен собиқ жамоаларимга қарши ўйнашни ёқтирмайман. Бу билан юрагимни эзишни хоҳламайман. Аммо бу финал бўлса, нега яхши тайёрланмаслик керак?» - деди Тухель.

Жорий мавсумда «Бавария» «Копенгаген», «Галатасарой» ва «Манчестер Юнайтед» билан бирга «А» гуруҳидан жой олди.

Тўрт турдан сўнг Мюнхен клуби 12 очко жамғариб, Чемпионлар лигасининг 1/8 финалига йўлланмани қўлга киритди.