"Реал Мадрид" ҳужумчиси Родриго бошқа испан жамоалари вакилларидан қайси бирини кўпроқ ёқтиришини айтди.

22 ёшли бразилиялик футболчи "Реал Мадрид"нинг икки асосий рақиби ўйинчилари, жумладан, терма жамоадошини алоҳида таъкидлаб ўтди: "Ла Лиганинг бошқа жамоалари ўйинчиларидан қайси бири менга кўпроқ ёқади? Гризманн ва Рафинья", - дея Родригодан иқтибос келтиради Madrid Xtra.

Антуан Гризманн жорий Испания чемпионатида “Атлетико Мадрид” сафида 12 та ўйинда майдонга тушиб, 8 та гол урди ва битта голли узатмани амалга оширди. Рафинья “Барселона” сафида 9 та ўйинда майдонга тушиб, 2 та гол ва битта голли узатмага муаллифлик қилган.