"Реал Мадрид"нинг бўлажак янги футболчиси Эндрик афсонавий Пеле билан солиштиришга муносабат билдирди.
Яқинда Бразилия терма жамоасига илк чақирувини олган 17 ёшли "Палмейрас" ҳужумчиси ОАВда унинг шахсига эътибор кучайганидан мамнун эмаслигини тан олди.
“Баъзида “Нега матбуот мен ҳақимда бунчалик кўп гапираяпти?” деб ўйлаб қоламан. Мен буни ҳеч қачон сўрамаганман. Рухсат этилганидан ташқарига чиқадиган вазиятлар юзага келади. Пеле билан солиштириш? Ҳеч ким ҳеч қачон у қилган ишларни бажара олмайди. Пеле - футбол қироли", - деди Эндрик.
Ёш бразилияликнинг Европадаги фаолияти 2024 йилнинг ёзида бошланади - у 18 ёшини нишонлагандан сўнг дарҳол "Реал Мадрид"га ўтади.
