"Манчестер Сити" дарвозабони Эдерсон Мораэс ўзининг терма жамоаси - Бразилияга бўлажак ЖЧ-2026 саралаш ўйинларида ёрдам бермайди. Бу ҳақда Бразилия терма жамоаси матбуот хизмати расман хабар берди.
Гап дарвозабоннинг яқинда "Челси"га қарши ўйинда (4:4) олган жароҳатида. Эдерсон ўрнига терма жамоага "Атлетико Паранаэнсе"дан Бенто чақирилди.
Эслатиб ўтамиз, "пентакампеонлар" 16 ноябрь куни Колумбия терма жамоаси билан, 21 ноябрь куни эса Аргентина терма жамоаси билан учрашади. Тўрт ўйиндан сўнг бразилияликлар 7 очко билан Жанубий Америка саралаш турнирлари жадвалида учинчи ўринни эгаллаб турибди.
