Кристиан Эриксен манкунианликларнинг яқинда "Лутон Таун"га қарши ўйинида (1:0) тиззасидан жароҳат олди ва кейинги ойда жамоасига ёрдам бера олмайди. Бу ҳақда “Манчестер Юнайтед” клуби матбуот хизмати хабар берди.
Эслатиб ўтамиз, аввалроқ Эриксен жамоадоши Расмус Хёйлунд билан бирга Дания терма жамоаси қайдномасидан чиқарилганди. Халқаро танаффус вақтида данияликлар Евро-2024 саралашида ҳал қилувчи ўйинларни ўтказишлари керак бўлади.
Умуман олганда, 31 ёшли футболчи жорий мавсумда жамоаси сафида 15 та ўйинда майдонга тушиб, 2 та гол урди ва битта голли узатмани амалга оширди. Даниялик футболчи 2022 йилнинг ёз ўрталаридан бери "Манчестер Юнайтед"да тўп тепмоқда.
