"Ливерпуль"нинг ўнг қанот ҳимоячиси Трент Александер-Арнольд "Реал"нинг нишонига айланди.
Баъзи маълумотларга кўра, "қизиллар" раҳбарияти 25 ёшли футболчи билан шартномани узайтириш ниятида - амалдаги шартнома бир ярим йилдан кейин тугайди. The Hard Tackle нашрининг испан ОАВларига таяниб хабар беришича, Мадриднинг “Реал” клуби вазиятни кузатиб бормоқда ва яқин орада англиялик футболчини сотиб олиш имкониятини кўриб чиқмоқда. Мумкин бўлган битим қиймати 80 миллион еврога баҳоланмоқда.
Трент Александер-Арнольд бутун профессионал фаолияти давомида "Ливерпуль"да ўйнаган. У жорий мавсумда 14 та ўйинда 3 та голли узатмани амалга оширди.
