Португалия терма жамоасининг ноябрь ойидаги йиғинида ўзгаришлар юз берди. Португалия футбол федерацияси сайтида "Манчестер Юнайтед" ҳимоячиси Диогу Далот шахсий сабабларга кўра йиғинни ўтказиб юбориши ҳақида хабар берилган. Қайд этилишича, 24 ёшли футболчи жамоа бош мураббийи Роберто Мартинес билан гаплашган.
Португалия терма жамоасида Далот ўрнини "Порту"нинг 23 ёшли ҳимоячиси Жоау Мариу эгаллайди. Бу унинг терма жамоага илк чақируви. Шу билан бирга, Мариу ёшлар даражасида мамлакат учун 42 та ўйин ўтказган.
Ноябрь ойида Португалия терма жамоаси Лихтенштейн ва Исландияга қарши ўйин ўтказади. Португалияликлар Евро-2024 йўлланмасини қўлга киритишган.
