"Рома"нинг собиқ футболчиси Франческо Тотти клубда ўз ўрнига эга бўлишни хоҳлаётганини тан олди.
Афсонавий собиқ футболчи 2017 йилда футболчилик фаолиятини якунлаганидан сўнг дарҳол "Рома"да директор лавозимини эгаллади, бироқ икки йилдан сўнг бу лавозимни тарк этди.
“Рома"га қайтишга доим тайёрман. Мен қайтишни истардим ва бу клуб учун ҳар доимгидек боримни бераман, лекин менинг хоҳишимнинг ўзи етарли деб бўлмайди. Никоҳлар ўзаро келишув асосида бўлади”, — деди “Бўрилар” сафида 783 та ўйинда 307 та гол урган италиялик собиқ футболчи.
"Рома" А Сериянинг 12-туридан кейин 7-ўринда бормоқда.
