Барселона суди тунги клубда қизни зўрлаганликда айбланаётган Дани Алвес иши бўйича терговни якунлади. Бу ҳақда Footmercato хабар бермоқда.
Маълум қилинишича, тез орада суднинг ҳукм босқичи бошланиши керак, шундан сўнг бразилиялик футболчига нисбатан қарор қабул қилинади.
Таъкидланишича, суд жараёнининг ушбу босқичига тайёргарлик кўриш учун айбловчи ва айбланувчига беш кун муҳлат берилган.
Ҳар бир томон Алвеснинг тергов қилинишига олиб келган воқеалар бўйича ўз версиясини тақдим этиши керак.
Эслатиб ўтамиз, Алвес олти ойдан ортиқ вақтдан бери Каталония қамоқхонасида ҳибсда сақланмоқда.
