"Бавария" спорт директори Кристофер Фройнд Лерой Сане билан янги шартнома борасидаги музокаралар ҳақидаги маълумотга изоҳ берди.

Миш-мишларга кўра, клуб футболчи билан янги шартнома имзолаш ниятида бўлишига қарамай, томонлар ҳеч қачон музокара ўтказмаган.

"Сане билан янги шартнома бўйича музокаралар ўтказилмагани ҳақидаги хабарлар сохта. Саненинг ҳозирги версияси - "Бавария"даги энг яхшиси. Биз уни клуб келажаги атрофида қурилиши керак бўлган футболчилардан бири деб ҳисоблаймиз", - деди Фреунд Bild нашрига берган интервьюсида.

Лерой Саненинг мюнхенликлар билан амалдаги меҳнат шартномаси 2025 йилнинг ўрталарига қадар тузилган.