УЕФА 2024 йилги Европа чемпионати форматини тасдиқлади. Sky Sport нашри хабарига кўра, ҳар бир жамоа турнирга 23 нафар футболчини юбориши мумкин бўлади.
Эслатиб ўтамиз, Евро-2020 учун аризалар сони 26 нафар футболчига кенгайтирилган эди. Бу қарор коронавирус пандемиясининг таъсири туфайли қабул қилинди. Энди ариза шакллари кенгайтирилмайди.
Европа чемпионатига Германия мезбонлик қилади, турнир 2024 йилнинг июнь-июль ойларида бўлиб ўтади. Ҳозирги еврокубок соҳиби Италия терма жамоаси ҳисобланади. Сўнгги турнир финалида “Адзурра Скуадра” 1:1 ҳисобида дуранг ўйнаб, пенальтилар сериясида Англияни мағлуб этди.
