Туркия ОАВда ярим ҳимоячи Илкай Гюндоганнинг «Галатасарой»га ўтиши борасида музокаралар олиб борилаётгани ҳақида маълумот пайдо бўлди. 33 ёшли футболчининг укаси Илҳан Гюндоган бу борада фикр билдирди.
«Матбуот хабарлари ҳақиқатни акс эттирмайди. «Бавария»га қарши ўйин олдидан «Галатасарой»дан ҳеч ким билан учрашиб, Илкай ҳақида гаплашмадим.
Ҳеч қандай учрашув ёки бошқа нарса бўлмади. Мен буни аниқ айтмоқчиман. Бу хабар қаердан келганини мен ҳам, Илкай ҳам тушуна олмаяпмиз. Илкай бор эътиборини «Барселона»га қаратган», - деди Илҳан.
