Аргентина терма жамоаси бош мураббийи Лионель Скалони ЖЧ-2026 саралаш ўйинида Уругвай терма жамоасидан учралган мағлубиятга изоҳ берди.
"Биз йўлимизни тополмадик. Улар, шубҳасиз, ғалабага ҳақли эдилар. Иккинчи бўлимда ўзгартиришлардан фойдаланиб, ўзимизни яхшилашга ҳаракат қилдик. Ғалабали сериямизга қарамай, футболда мағлуб бўлиш мумкинлигини тушунамиз. Биз хафамиз, чунки биз уйда ўйнаганимизда ҳамиша одамларни хурсанд қилишни хоҳлаймиз.
Ҳеч биримиз мағлуб бўлишни ёқтирмаймиз, лекин биз саҳифани варақлашимиз, кейинги воқеалар ҳақида ўйлашимиз ва уни тузатишимиз керак. Биз жаҳон чемпиони бўлганимиз учун ҳеч қачон ютқазмаймиз деб ўйлай олмаймиз. Сиз барча муваффақиятсизликлардан ўрганасиз. Биз такрорланишнинг олдини олишга ҳаракат қиламиз", - деди Скалони Аргентина терма жамоаси матбуот хизматига.
Эслатиб ўтамиз, Аргентина терма жамоаси ўз майдонида Уругвай терма жамоасини қабул қилган футбол бўйича 2026 йилги жаҳон чемпионати саралаш босқичининг 5-тур учрашуви якунига етди. Учрашув Буэнос-Айресдаги “Бомбонера” стадионида бўлиб ўтди ва меҳмонларнинг 2:0 ҳисобидаги ғалабаси билан якунланди.
