Argentina terma jamoasi bosh murabbiyi Lionel Skaloni JCH-2026 saralash o‘yinida Urugvay terma jamoasidan uchralgan mag‘lubiyatga izoh berdi.

"Biz yo‘limizni topolmadik. Ular, shubhasiz, g‘alabaga haqli edilar. Ikkinchi bo‘limda o‘zgartirishlardan foydalanib, o‘zimizni yaxshilashga harakat qildik. G‘alabali seriyamizga qaramay, futbolda mag‘lub bo‘lish mumkinligini tushunamiz. Biz xafamiz, chunki biz uyda o‘ynaganimizda hamisha odamlarni xursand qilishni xohlaymiz.

Hech birimiz mag‘lub bo‘lishni yoqtirmaymiz, lekin biz sahifani varaqlashimiz, keyingi voqealar haqida o‘ylashimiz va uni tuzatishimiz kerak. Biz jahon chempioni bo‘lganimiz uchun hech qachon yutqazmaymiz deb o‘ylay olmaymiz. Siz barcha muvaffaqiyatsizliklardan o‘rganasiz. Biz takrorlanishning oldini olishga harakat qilamiz", - dedi Skaloni Argentina terma jamoasi matbuot xizmatiga.

Eslatib o‘tamiz, Argentina terma jamoasi o‘z maydonida Urugvay terma jamoasini qabul qilgan futbol bo‘yicha 2026 yilgi jahon chempionati saralash bosqichining 5-tur uchrashuvi yakuniga yetdi. Uchrashuv Buenos-Ayresdagi “Bombonera” stadionida bo‘lib o‘tdi va mehmonlarning 2:0 hisobidagi g‘alabasi bilan yakunlandi.