Лондоннинг "Арсенал" клуби собиқ ҳимоячиси Сол Кэмпбелл Вильям Салибани клубнинг ҳозирги таркибидаги энг истиқболли футболчиси деб ҳисоблайди. У клуб раҳбариятини васвасага соладиган таклифлар тушса ҳам, футболчини қўйиб юбормасликка ҳаракат қилишга чақирди.
"Мен ажойиб салоҳиятга эга футболчи - Вильям Салибага эътибор қаратмоқчиман. Унинг қандай режалари борлигини билмайман, лекин клуб уни сақлаб қолишга ҳаракат қилиши керак. Ишончим комилки, йирик клублар уни ўз ихтиёрига ўтказиб олишга ҳаракат қилишади", - дея Кэмпбелл сўзларини келтиради Италиянинг ITASportPress агентлиги.
Салиба Лондон клубида 2019 йилдан буён ўйнаб келмоқда.
