Германия терма жамоаси бош мураббийи Юлиан Нагельсманн ярим ҳимоячи Флориан Вирц ҳақида фикр билдирди.

20 ёшли футболчи “Байер”нинг асосий фигураларидан бири бўлиб, айни дамда клуби Бундеслигада етакчилик қилмоқда.

“Флорианнинг энг қимматли фазилатлари бу унинг ижодкорлиги ва тўпдаги жасоратидир. У жуда меҳнаткаш, "Байер" учун ўйинларда кўп масофа босиб ўтади - баъзида ҳатто жуда кўп, лекин у ҳали ёш ва бунга қодир.

У ўз клубидан кўра терма жамоада бироз уятчанроқ, аммо бу муаммо эмас. Бизга у ва Мусиала каби футболчилар керак”, деди Нагельсманн Туркияга қарши ўртоқлик ўйини олдидан матбуот анжуманида.