Germaniya terma jamoasi bosh murabbiyi Yulian Nagelsmann yarim himoyachi Florian Virs haqida fikr bildirdi.

20 yoshli futbolchi “Bayer”ning asosiy figuralaridan biri bo‘lib, ayni damda klubi Bundesligada yetakchilik qilmoqda.

“Florianning eng qimmatli fazilatlari bu uning ijodkorligi va to‘pdagi jasoratidir. U juda mehnatkash, "Bayer" uchun o‘yinlarda ko‘p masofa bosib o‘tadi - ba’zida hatto juda ko‘p, lekin u hali yosh va bunga qodir.

U o‘z klubidan ko‘ra terma jamoada biroz uyatchanroq, ammo bu muammo emas. Bizga u va Musiala kabi futbolchilar kerak”, dedi Nagelsmann Turkiyaga qarshi o‘rtoqlik o‘yini oldidan matbuot anjumanida.