«ПСЖ» ярим ҳимоячиси Фабиан Руис 2022 йилнинг ёзида «Наполи»ни тарк этганидан афсусда эмаслигини айтди.
Эслатиб ўтамиз, испаниялик кетганидан сўнг неаполликлар биринчи уринишдаёқ Италия чемпионлигини қўлга киритган эди.
«А Серияда ғалаба қозонишдан бир йил олдин «Наполи»ни тарк этганимдан афсусланмайман. Аксинча, барча томонлар учун ҳаммаси яхши бўлганидан хурсандман. Фаолиятимдаги илк чемпионликни қўлга киритдим ва «Наполи» ҳам ўз навбатида чемпионликни қўлга киритди. Олдинроқ скудеттони ютишни хоҳлаганим аниқ эди, аммо ҳозир Парижда бахтлиман», - дея Руиснинг сўзларидан иқтибос келтиради Calciomercato.
