"Наполи" клуби ва Грузия терма жамоаси ярим ҳимоячиси Хвича Кварацхелия Криштиану Роналду ҳақида фикр билдирди.
"Роналду - ажойиб футболчи. Агар сизда Лео Мессидек рақиб бўлса ва у билан деярли ҳар йили бир савияда бўлишга муваффақ бўлсангиз, бу жуда қийин, шунинг учун ҳам мен Роналду ҳар доим яхши кўраман", - деди Хвича.
Хвича, шунингдек, Роналду профессионаллиги туфайли футболда кўп ютуқларга эришганини таъкидлади.
Эслатиб ўтамиз, клуб даражасида Криштиану Роналду 2023 йил бошидан Саудиянинг “Ан-Наср” клуби шарафини ҳимоя қилиб келмоқда. Португалиялик футболчи фаолияти давомида беш марта нуфузли “Олтин тўп” совринини қўлга киритган.
