Грузия терма жамоаси ва “Наполи” клуби ярим ҳимоячиси Хвича Кварацхелия “Олтин тўп”ни топшириш маросимида аргентиналик Лионель Месси билан бўлган учрашуви ҳақида гапирди.
"Ушбу учрашув мен учун тарихга айланди. Танаффуслардан бирида Лионель ўрнидан туриб, менга яқинлашди. Аввалига нима бўлаётганини тушунмадим. Кейин у менга қўлини узатди. Мен унинг ҳис-туйғуларига жавоб бердим. Шундан сўнг Месси мен билан саломлашди ва ўз жойига қайтди. Бу ажойиб инсон, мен уни жуда ҳурмат қиламан", - деди Хвича Tribuna.com сайтига.
Эслатиб ўтамиз, Месси бу йил “Олтин тўп”ни қўлга киритганди. Бу унинг коллекциясидаги саккизинчи шундай мукофотдир.
