Ярим ҳимоячи Уэстон Маккенни АҚШ терма жамоаси ихтиёрини тарк этди. Бунинг сабаби - чап тиззанинг тендинопатияси. Жамоанинг пресс-релизида таъкидланишича, Маккенни ўрнига ҳеч ким чақирилмайди.

Клуб даражасида Маккенни "Ювентус" шарафини ҳимоя қилади. 2023/2024 йилги мавсумда ярим ҳимоячи "кекса синьора" сафида 12 та ўйин ўтказди ва битта голли узатмани амалга оширди.

Айни пайтда "Ювентус" Италия чемпионати турнир жадвалида иккинчи ўринда бормоқда. Массимилиано Аллегри шогирдлари навбатдаги ўйинни 26 ноябрь куни ўз майдонида "Интер"га қарши ўтказади.