"Манчестер Сити" ҳужумчиси Эрлинг Холанд жароҳати туфайли якшанба кунги Шотландияга қарши ўйинда Норвегияга ёрдам бермайди. Ҳужумчи бу ҳақда ижтимоий тармоқларда хабар тарқатди.
“Афсуски, эртанги Шотландияга қарши ўйинни ўтказиб юбораман. Йигитларга энг яхши тилакларимни тилайман. Ҳозирда мен даволанмоқдаман ва имкон қадар тезроқ қайтишга ҳаракат қиляпман" - деб ёзди Холанд.
Эслатиб ўтамиз, Норвегия термаси гуруҳдан чиқиш имкониятини октябр ойидаёқ йўқотган эди. Испания ва Шотландия терма жамоалари “А” гуруҳидан Европа чемпионатига йўлланма олди.
Европа чемпионати келаси ёзда Германияда бўлиб ўтади.
