Германия терма жамоаси ҳужумчиси Никлас Фюлькруг Туркия билан ўртоқлик учрашувидаги мағлубият (2:3) ҳақида фикр билдирди.
"Биз Берлинда меҳмонда ўйнадик. Турклар жуда кўп ҳис-туйғуларни яратдилар ва ҳар бир жангда бир-бирларини қўллаб-қувватладилар. Бу бизни қўрқитдими, билмайман.
Биз аввалги ўйинларга қараганда бироз бошқачароқ ҳужум қилишни хоҳладик, чунки Евро учун мослашувчан бўлишимиз керак.
Афсуски, кўп вақтимиз йўқ. Биз фақат Юлиан Нагельсманн бошчилигида 5 та ҳақиқий машғулот ўтказдик. Демак, ҳали ҳаммаси яхши кетаётгани йўқ", - дейди Фюлькруг .
Германия терма жамоаси мусобақа мезбони сифатида автоматик тарзда Евро-2024 йўлланмасини қўлга киритди.
