"Манчестер Юнайтед" ярим ҳимоячиси Бруну Фернандеш Саудия Арабистони клубларининг ўзига бўлган қизиқиши ҳақидаги маълумотларга изоҳ берди.

29 ёшли португалиялик учун тахминан 100 миллион евро таклиф қилиниши мумкинлиги аввалроқ хабар қилинганди.

Фернандешнинг сўзларига кўра, у бутун эътиборини клуб ва терма жамоада ўйнашга қаратган.

“Мен бор эътиборимни терма жамоа ва “Манчестер Юнайтед”га қаратганман. Мен ҳозир бахтлиман. Миш-мишларга эса эътибор бермайман", - дея Фернандешнинг сўзларини келтиради AS.

Жорий мавсумда Фернандеш “Манчестер Юнайтед” сафида 17 та ўйин ўтказиб, 4 та гол урди ва 3 та голли узатмани амалга оширди. Transfermarkt портали Португалия терма жамоаси футболчисини 75 миллион еврога баҳоламоқда.