Юртимиздаги футболга бефарқ бўлмаган инсонлар учун эътиборли жойлардан бири Боткин қабристони ҳисобланади. Боиси, бу ерга 1979 йили авиаҳалокатдан вафот этган "Пахтакор" жамоаси учну хотира мажмуаси барпо этилган.

Маълумотларга қараганда, бундан бир ярим ой аввал Тошкент шаҳар раҳбарияти томонидан мазкур мйдончани "янгилаш"га қарор қабул қилинган. Таъмирлаш ишлари бошлангандан кейин эса у ердаги дарвозабон ҳайкали олиб ташланиши ва ўрнига бошқаси қурилиши ҳақида гап-сўзлар чиққанди.

Бу ҳақда билиш учун Алла Сергеевна Шулепина-Тазетдинова (Идгар Тазетдиновнинг аёли) билан боғландик.

— Ҳақиқатан ҳам, хотира майдончасининг янги лойиҳаси ишлаб чиқилди ва бир қатор ишлар амалга оширилди, — дейди Алла Сергеевна. — Қор ёғиши муносабати билан бу ишлар вақтинчалик тўхтади. Янги мажмуа эскиз ва лойиҳада чирйоли кўринди. Қурилганидан кейин ҳам ана шундай чиқишини истардим. "Пахтакор-79"нинг рамзига айланиб қолган дарвозабон шаклини олиб ташлаш қарори — бу миш-миш эмас. Янги ҳайкал лойиҳалаштирилганди. Лекин журналистлар ва футболчиларнинг қариндошлари ҳайкалтарошнинг вариантларини кўриб чиқиб, эски ҳайкални қолдиришни талаб қилдик. Натижада клубнинг расмзига айланиб қолган "дарвозабон"ни қолдиришга кўндирдик. Уни сақлаб қолиш керак. Ўйлайманки, самога сочилган "Пахтакор-79" футболчилари ва мураббийларининг руҳи шод бўлади.