Англия терма жамоаси ва “Ливерпуль” клубининг собиқ ярим ҳимоячиси, ҳозирда Саудия Арабистонининг “Ал-Иттифоқ” клуби бош мураббийи Стивен Жеррард тарихдаги энг яхши футболчи кимлигини айтди.

"Тарихдаги энг яхши футболчи Роналдунинг трансфери Саудия Арабистони учун катта қадам бўлди. Криштиану футбол ривожига ҳисса қўшишда давом этмоқда. Унинг ўтишидан кейин бошқа юлдузлар бу ерга кела бошладилар. Ҳамма бу чемпионат ҳақида гапира бошлади", - дея англияликнинг сўзларини келтиради Саудия Арабистони чемпионати матбуот хизмати.

Эслатиб ўтамиз, Роналду Саудиянинг "Ан-Наср" клубига 2023 йилнинг январида ўтган эди. Футболчининг шартномаси 2025 йилнинг ёзига қадар мўлжалланган.