Мадриднинг “Атлетико” клуби ва Франция терма жамоаси ҳужумчиси Антуан Гризманн Англиянинг топ-клубида ўйнаш имкониятига эга. El Nacional журналистларининг хабар беришича, 32 ёшли футболчини ўз сафига қўшишга "Манчестер Юнайтед" қизиқмоқда.
“Қизил иблислар” 32 ёшли футболчининг трансферини якунлаш борасида жиддий ҳаракат қилишмоқда. Манкунианликлар раҳбарияти франциялик форварднинг ҳозирги маошини уч баравар оширишга тайёр.
Гризманн “матрасчилар” жамоаси билан мавсумни муваффақиятли бошлади. Ҳужумчи 16 ўйин ўтказиб, 12 гол урди. Унинг шартномаси 2026 йилнинг ёзига қадар мўлжалланган, трансфер нархи эса 25 миллион еврони ташкил қилади.
