Якшанба куни аёллар ўртасидаги Испания чемпионати доирасида "Барселона" ва "Реал" ўртасидаги учрашув бўлиб ўтди. Аёллар ўртасидаги “Эл-класико” каталонияликларнинг йирик ҳисобдаги ғалабаси билан якунланди – 5:0. Биринчи бўлимда "кўк-анорранглилар" учта, танаффусдан кейин эса яна иккита гол уришди.
“Барселона” ўтган тўққизта учрашувнинг барчасида умумий 39:2 ҳисобида ғалаба қозониб, аёллар ўртасидаги Испания чемпионатида ишончли пешқадамлик қилмоқда. "Реал" пешқадамдан 6 очко ортда қолиб, иккинчи ўринда бормоқда.
Эслатиб ўтамиз, октябрь ойида Мадриднинг “Реал” клуби эркаклар ўртасидаги “Эл Класико”да “Барселона”ни меҳмонда 2:1 ҳисобида мағлуб этганди.
