"Наполи" ярим ҳимоячиси Пётр Зелиньски клуб билан янги шартнома шартлари бўйича ҳалигача келиша олмади. Бу ҳақда Football Italia хабар бермоқда.
Манбага кўра, 29 ёшли футболчи ортиқча маош талаб қилмоқда, "Наполи" унга катта пул беришга тайёр эмас. Польшаликнинг ўзи бу ҳолатга изоҳ бериб, ўзини жамоадан кетишини истисно қилмади.
"Меҳнат шартномам тугашини истисно қилмайман ва биз уни узайтира узайтира олмаслигимиз мумкин", деди Зелиньски.
Ярим ҳимоячининг "Наполи" билан амалдаги шартномаси келаси йилнинг ўрталарига қадар тузилган. Transfermarkt портали экспертлари футболчининг нархини 35 миллион еврога баҳоламоқда.
