Ромелу Лукаку Евро-2024 саралашида голлар сони бўйича Криштиану Роналдудан ўзиб кетди.
Бельия терма жамоаси ҳужумчиси Озарбайжонга қарши ўйиннинг 1-бўлимидаёқ покерга эришди.
Жорий саралаш босқичида Лукаку 14 та гол урди ва 10 та гол урган Криштиану Роналдуни ортда қолдириб, саралаш тўпурарлари рўйхатида яна яққол биринчи ўринни эгаллаб турибди.
Ҳозирда Лукакуда терма жамоа сафида 83 та гол бор. Бельгиялик ҳужумчи Роберт Левандовскини (81) ортда қолдириб, Европа жамоалари тўпурарлари рўйхатида яққол 3-ўринга кўтарилди.
Рейтингда Португалия терма жамоаси сафида 128 та гол урган Криштиану Роналду етакчилик қилмоқда. Ференц Пушкаш (Венгрия, Испания) ҳисобида 84 та гол бор.
