Франция терма жамоаси ҳужумчиси Килиан Мбаппе Гибралтар устидан қозонилган ғалабадан сўнг (14:0) сардорлик мақомини олганини инобатга олган ҳолда ўйинга муносабати ўзгаргани ҳақида фикр билдирди.

"Сардорлик боғичи сизни ўзгартиришга мажбур қилади, гарчи ўзингиз хоҳламасангиз ҳам. Агар ўзгармасангиз, бу ролга мос келмайсиз. Фақат аҳмоқлар ўзгармайди, деган нақл ҳам бор. Мен сардор бўлмаганимда статистикага, индивидуал совринларга эътибор қаратардим.

Энди сардор бўлганидан кейин биринчи навбатда бошқаларни ўйлаш керак. Яъни, жамоа ягона бўлишига ва бугунги ўйиндаги каби натижаларга эришишига ишонч ҳосил қилишга ҳаракат қилиш талаб этилади", - деди Мбаппе.

Гибралтар билан ўйинда Килиан 3 та гол урди ва 3 та голли узатмани амалга оширди.