Fransiya terma jamoasi hujumchisi Kilian Mbappe Gibraltar ustidan qozonilgan g‘alabadan so‘ng (14:0) sardorlik maqomini olganini inobatga olgan holda o‘yinga munosabati o‘zgargani haqida fikr bildirdi.
"Sardorlik bog‘ichi sizni o‘zgartirishga majbur qiladi, garchi o‘zingiz xohlamasangiz ham. Agar o‘zgarmasangiz, bu rolga mos kelmaysiz. Faqat ahmoqlar o‘zgarmaydi, degan naql ham bor. Men sardor bo‘lmaganimda statistikaga, individual sovrinlarga e’tibor qaratardim.
Endi sardor bo‘lganidan keyin birinchi navbatda boshqalarni o‘ylash kerak. Ya’ni, jamoa yagona bo‘lishiga va bugungi o‘yindagi kabi natijalarga erishishiga ishonch hosil qilishga harakat qilish talab etiladi", - dedi Mbappe.
Gibraltar bilan o‘yinda Kilian 3 ta gol urdi va 3 ta golli uzatmani amalga oshirdi.
