"Бавария" дарвозабони Мануэль Нойер клуб билан кейинги ҳамкорликни муҳокама қилади.

Мюнхен клуби раҳбарияти 37 ёшли фахрий билан шартномани узайтиришдан манфаатдор, бироқ музокаралар номаълум муддатга қолдирилди. Kicker хабарига кўра, "Бавария" мавсумнинг биринчи ярми тугаганидан кейин Нойер билан янги шартномани муҳокама қилмоқчи. Унгача клуб жароҳати туфайли деярли бир йил ўтказиб юборган дарвозабоннинг жисмоний ҳолати ва ўйин даражасини кузатиб боради.

Мануэль Нойер жорий мавсумда бешта ўйинда майдонга тушиб, бешта гол ўтказиб юборди. Унинг амалдаги шартномаси 2024 йилнинг июнида якунига етади.