"Барселона" ярим ҳимоячиси Ориол Ромеунинг келажаги сўроқ остида қолмоқда.
32 ёшли ярим ҳимоячи Серхио Бускетс ўрнига "Жирона"дан сотиб олинганди. Ромеу кўп ўйинларда "блауграна"нинг асосий таркибида майдонга тушади, аммо унинг клубдаги келажаги борасида аниқлик йўқ, дея хабар беради журналист Тони Хуанмарти. "Барселона" футболчига узоқ муддат давомида ишонмоқчи эмас.
Ориол Ромеу Хави Эрнандес жамоаси сафида 16 та ўйинда майдонга тушиб, 1 та голли узатмани амалга оширди. Испаниялик футболчининг шартномаси 2026 йилгача мўлжалланган. Ҳозирда "Жирона" футболчини мавсум охирида қайтариш имкониятини кўриб чиқмоқда.
