Ҳамюртимиз Хусайн Норчаев ўйнаётган Владикавказнинг "Алания" клуби жуда ёқимсиз даврни бошдан кечирмоқда. Бугун Олег Василенко шогирдлари Россия Биринчи лигасида Москва вилоятининг "Химки" жамоасига имкониятни бой беришди – 1:4.
Шу тариқа, "қоплонлар" 14 октябрдан буён ғалаба нималигини билишмаяпти – ўшанда жамоа чемпионат аутсайдери "Ленинградец"ни 1:0 ҳисобида мағлуб этганди. Ўшандан бери Норчаев жамоаси учта дуранг ўйнади ва иккита мағлубиятга учради.
Умуман олганда, 23 сентябрдан бери барча турнирларда тўққизта расмий ўйинда "Алания" фақат битта ғалабани қўлга киритди.
