Hamyurtimiz Xusayn Norchayev o‘ynayotgan Vladikavkazning "Alaniya" klubi juda yoqimsiz davrni boshdan kechirmoqda. Bugun Oleg Vasilenko shogirdlari Rossiya Birinchi ligasida Moskva viloyatining "Ximki" jamoasiga imkoniyatni boy berishdi – 1:4.
Shu tariqa, "qoplonlar" 14 oktyabrdan buyon g‘alaba nimaligini bilishmayapti – o‘shanda jamoa chempionat autsayderi "Leningrades"ni 1:0 hisobida mag‘lub etgandi. O‘shandan beri Norchayev jamoasi uchta durang o‘ynadi va ikkita mag‘lubiyatga uchradi.
Umuman olganda, 23 sentyabrdan beri barcha turnirlarda to‘qqizta rasmiy o‘yinda "Alaniya" faqat bitta g‘alabani qo‘lga kiritdi.
