Италия терма жамоаси футболчиси Давиде Фраттези 2024 йилги Европа чемпионати саралаши доирасида Украинага қарши ўйин якунида юзага келган баҳсли эпизод ҳақида ўз фикри билан ўртоқлашди.
Қўшиб берилган дақиқаларда Михаил Мудрик «адзуррилар» жарима майдончаси ичида йиқилди, бироқ ҳакам ҳуштак чалмади.
«Майдонда бўлганимда у ерда нима бўлганини кўрмадим. Такрорий лавҳани томоша қилганимдан сўнг, менга Кристанте қоидани бузгандек туюлди.
Кейин яна бир такрорни томоша қилдим, бу сафар эса унинг аксини кўрдим - бизнинг ўйинчимиз украиналик футболчига тегмади ҳам», - деди Фраттези.
