Лучано Спаллеттининг фикрича, Мудрик йиқилганида пенальти бўлмаган.
Евро-2024 саралашининг Италияга қарши ўйиндаги (0:0) 93-дақиқасида украиналик вингер Михаил Мудрик тўп билан ҳаракатланаётган бир пайтда Брайан Кристанте тўпни олишга ҳаракат қилди. «Челси» футболчиси натижада йиқилиб тушди.
Бош ҳакам Хесус Хил Манцано пенальти белгиламади ва такрорий лавҳани кўриб чиқмади. Ўйин дуранг (0:0) билан якунланди, натижада Италия тўғридан-тўғри Евро-2024 йўлланмасини қўлга киритди, Украина эса саралаш плей-оффига йўл олди.
«Кристанте оёғини Мудрикнинг оёғи ёнига қўйди. Улар яқин эдилар, лекин контакт йўқ эди.
Бу вақтда Мудрик аллақачон тўсиқдан ўтиб бўлганди ва йиқилишга ҳаракат қилди», - деди Италия терма жамоаси бош мураббийи.
