"Сурхон" жамоасининг россиялик дарвозабони Артём Потапов Термиз клубида ўйнашда давом этади.
Жорий мавсумда Потапов жамоа етакчиларидан бирига айланди. У етакчилик хислатларини кўрсатди ва жамоа сардори бўлди.
2023 йилги мавсумда Потапов Суперлигада 22та ўйинда майдонга тушди ва шуларнинг ярмида дарвоза дахлсизлигини сақлаб қолди! Шунингдек, "Сурхон"нинг Ўзбекистон Кубогининг чорак финалига чиқишига ёрдам берди.
"Клуб номидан Артёмни шартнома узайтирилгани билан табриклаймиз ва кўпроқ ғалабалар тилаймиз!" - дейилади "Сурхон"нинг баёнотида.
