Келгуси дам олиш кунлари АПЛнинг 13-турида “Манчестер Сити” “Ливерпуль” билан учрашади.
Жамоалар ўртасидаги сўнгги ўйин 4:1 ҳисобида “шаҳарликлар” фойдасига ҳал бўлганди. Айтиш жоизки, "Манчестер Сити" охирги марта 1937 йилда "Ливерпуль" устидан АПЛда кетма-кет иккита ғалаба қозонган. Агар Хосеп Гвардиола жамоаси ғалаба қозона олса, 86 йиллик нохуш серияни бузади.
"Манчестер Сити" - "Ливерпуль" учрашуви 25 ноябрь куни бўлиб ўтади. Учрашув Тошкент вақти билан соат 17:30да бошланади.
Айни дамда "шаҳарликлар" 28 очко билан АПЛ турнир жадвалида пешқадамлик қилмоқда, Юрген Клопп шогирдлари эса бир очко ортда қолиб, иккинчи ўринда бормоқда.
