Олег Василенко "Алания" бош мураббийи лавозимидан озод этилди. Бу ҳақда инсайдер Иван Карпов ўзининг “Инсидес фром Карп” телеграм-каналида айтиб ўтди.

Қайд этилишича, Василенконинг истеъфоси ҳақида жамоа йиғини бўлиб ўтадиган чоршанба куни расман эълон қилинади.

Душанба куни "Алания" ўз майдонида "Химки"га йирик ҳисобда - 1:4 ҳисобида мағлуб бўлди. Айни пайтда Владикавказ жамоаси иккинчи энг юқори футбол дивизиони турнир жадвалида олтинчи ўринни эгаллаб турибди.

Айтиш жоизки, Олег Василенко баҳордан бери “Алания”га устозлик қилиб келмоқда.

"Алания" навбатдаги ўйинини 27 ноябрь куни ўз майдонида "Акрон"га қарши ўтказади.

Маълумот ўрнида, ушбу жамоада Олимпиа терма жамоамиз аъзоси Ҳусайн Норчаев тўп тепади.