"Брайтон" бош мураббийи Роберто де Дзерби фаолиятини Испанияда давом эттириши мумкин.
Италиялик мутахассис "чайкалар" бошқарувида ажойиб иш олиб бормоқда, шу сабаб у аллақачон кўплаб грандларнинг эътиборига тушган. Қизиқиш билдираётган клублардан бири - "Реал Мадрид". Sport нашри хабарига кўра, "қироллик клуби" де Зерби билан эҳтимолий ҳамкорлик борасида музокараларни бошлаган. 44 ёшли мураббий жорий шартномаси 2024 йилнинг июнида якунига етадиган Карло Анчелоттига ўринбосар сифатида кўрилмоқда.
Роберто Де Дзерби ўтган йилнинг сентябрь ойидан бери "Брайтон"ни бошқариб келмоқда. Жамоа ҳозирда Премьер-лига турнир жадвалида саккизинчи ўринда бормоқда.
