"Ювентус" тез орада ўзининг олдинга силжишида кичик инқилоб қилиши мумкин. Инсайдер Жанлука Ди Марцио тафсилотларни ошкор қилди.
Душан Влахович назарий жиҳатдан "Ювентус" ҳужумининг етакчисига айланиши керак эди. Ўтган йилнинг январь ойида туринликлар бунга 81 миллион евродан кўпроқ маблағ сарфлашган.
Шундан сўнг сербиялик футболчи 2025/26 йилги мавсум охиригача амал қиладиган шартнома имзолади. Бироқ форвард "Ювентус"ни анча эрта тарк этиши мумкин.
Ди Марцио "Ювентус" Влаховични ёзги мавсумда сотишни кўриб чиқаётганини айтди. 23 ёшли футболчининг вориси Виктор Бонифас бўлиши мумкин.
Нигериялик бу мавсумда ҳақиқий кашфиёт. "Байер" таркибида 16 та ўйинда майдонга тушиб, 11 та гол урди ва 6 та голли узатмани амалга оширди.
