ЖЧ-2026 саралаш босқичи ўйинида Аргентина терма жамоаси сафарда Бразилия билан тўқнаш келди. Учрашув Лионель Скалони шогирдларининг 1:0 ҳисобидаги ғалабаси билан якунланди. Ҳал қилувчи голни ҳимоячи Николас Отаменди киритди.
Эслатиб ўтамиз, Аргентина терма жамоаси етакчиси Лионель Месси анчадан бери Бразилия дарвозасига гол ура олмаяпти. 36 ёшли ҳужумчи кетма-кет саккизта расмий ўйинда Бразилия дарвозасига гол ура олмади.
Олтита саралаш босқичидан сўнг Аргентина ҳисобида 15 очко бор ва турнир жадвалида якка пешқадам бўлиб турибди. Кетма-кет учта мағлубият аламини тотиб кўрган Бразилия етти очко билан атиги олтинчи ўринда бормоқда.
