«Ювентус» ярим ҳимоячиси Поль Погба допинг-тестидан ўта олмагани учун жазоланиши мумкин.
Бу ҳақда «кекса синёра»нинг яна бир француз футболчиси - Адриен Рабьо изоҳ берди.
«Погба билан нима бўлишини билмайман. Биз доим гаплашамиз. Терма жамоага боришимдан олдин бирга овқатландик.
Поль ҳар доим табассум қилади ва хушмуомала. Менимча, вазият унга босим ўтказмоқда. Умид қиламанки, у энг енгил жазо чораларини олади.
Польнинг ҳафсаласи пир бўлди. У ажойиб футболчи, ажойиб инсон. Унинг бошига тушган ҳамма нарсани енгиш ҳар ким учун жуда қийин бўлади», - деди Рабьо.
