Туриннинг «Ювентус» клуби ярим ҳимоячиси Адриен Рабьо қайси турнирда биринчи бўлиб ғалаба қозонишни орзу қилишини айтди. Француз қайси мусобақани энг қийин деб билишини ҳам айтиб ўтди.
«Менинг бутун фаолиятимдаги орзуим? Агар мен Чемпионлар лигаси, жаҳон чемпионати ва Евро ўртасида танлов қилишим керак бўлса, мен Чемпионлар лигасини танлаган бўлардим. Менимча, бу турнирда ғалаба қозониш энг қийинидир», - дея Рабьонинг сўзларини келтирмоқда Calciomercato.
Жорий мавсумда Рабьо Италия А Сериясининг ўн бир учрашувида 1 гол урди ва иккита голли узатмани амалга оширди.
Мавсум сўнгида 28 ёшли футболчининг Туриннинг «Ювентус» клуби билан шартномаси тугайди.
