УЕФА тартиб-интизом қўмитаси Чемпионлар лигаси гуруҳ босқичидан ўрин олган “ПСЖ” – “Милан” учрашуви (3:0) бўйича қарор қабул қилди.
Mundo Deportivo хабарига кўра, парижликлар жамоаси мухлислар томонидан пиротехника воситаларидан фойдалангани, майдонга югуриб чиққани ва стадиондаги ўтиш жойларини тўсиб қўйгани учун 98 минг евро жаримага тортилган. Шунингдек, "Парк де Пренс" стадиони шартли равишда икки йиллик синов муддати билан бир ўйин учун қисман ёпилади.
"Милан" мухлисларнинг хатти-ҳаракати ва пиротехника воситаларидан фойдалангани учун 23 минг евро жаримага тортилди.
