“Порту” ҳужумчиси Эванилсонга Европанинг етакчи чемпионатлари вакиллари қизиқиш билдирмоқда.
24 ёшли футболчи мавсумни ажойиб ўтказмоқда ва Чемпионлар лигасининг учта ўйинида 4 та гол урди. Инсайдер Экрем Конурнинг сўзларига кўра, Англиянинг "Манчестер Юнайтед"и ва "Арсенал", шунингдек, "Интер" бразилияликнинг муваффақиятларини диққат билан кузатиб бормоқда. Transfermarkt экспертлари футболчининг нархини 22 миллион еврога баҳолаган.
Эванилсон ушбу мавсумда "Порту" сафида барча мусобақаларда ўнта ўйинда майдонга тушиб, жами 7 гол ва битта голли узатмани амалга оширди. Футболчининг "аждарлар" билан шартномаси 2027 йилнинг ўрталарига қадар тузилган.
