"Реал" дарвозабони Тибо Куртуа келажагини қандай кўриши ҳақида гапирди.
Бельгиялик футболчи ёзда олган жароҳати туфайли майдонга туша олмаяпти.
"Келажак режаларим? Асосийси, оила. Шунингдек, тикланишимни муваффақиятли якунлаб, энг яхши формамга қайтишни истайман.
Мен спортни яхши кўраман ва у билан доимо шуғулланаман, лекин нафақага чиққанимдан кейин катта жамоага мураббийлик қилишимни тасаввур қилишим қийин. Мен ёшлар жамоасида ишлашни афзал кўраман - бу орқали кераксиз босимдан қочиб, уйда кўпроқ вақт ўтказишим мумкин", - дея 31 ёшли дарвозабоннинг сўзларини келтиради Madrid Xtra.
