Аргентиналик ҳужумчи Лионель Месси «Барселона» учун хайрлашув ўйинини ўтказишни режалаштирмоқда.
Football Transfers хабарига кўра, 36 ёшли ҳужумчи келаси йили «Камп Ноу»да ўйин ўтказишни режа қилган.
Кўргазмали ўйин 29 ноябрь куни бўлиб ўтиши кутилмоқда. Месси «кўк-анорранглилар»нинг афсоналари жамоасида ўйнайди.
Лионель 2005 йилдан 2021 йилгача «Барселона»да ўйнаган. Шундан сўнг у икки мавсумни Франциянинг «ПСЖ» жамоасида ўтказди.
2023 йилнинг ёзидан бошлаб аргентиналик футболчи Майамининг «Интер» клубида тўп тепмоқда. Форварднинг америка клуби билан меҳнат шартномаси 2025 йилнинг охиригача амал қилади.
